Auteur : charentais - Date : 8 octobre, 2008
.
.
LA GRIPPE AVIAIRE OU LA MALADIE D’LA VOLAILLE
-
Nono Saut’palisse
-
Sur l’air : De la mère Michel
Coupyé I
-
O y’a ine chétie maladie,
Thyi s’am’nant d’Asie.
A choppe nos poules de Barbezieux,
O nous fazit bin daus z’enneux.
O faut teurtous zou enfarmer,
Mé pirons, mé canets,
Mé jhaus et mé perots.
O m’ fazit bin daus maux.
-
Arfrain
O l’é la grippe aviaire, tra la la
La grippe aviaire, tra la la
La grippe aviaire é dans l’ bétiaire,
Oh ! thiélle misère!
-
Coupyé II
Noute brave gouvarnement,
Va nous baiyer l’arjhent.
De noute bia él’vaghe,
En fazit l’abattajhe.
Astheur, put dret d’zou vende,
D’zou douner, faut bin l’ comprende.
Qu’aveuc thiélés thieuques z’uros,
Jh’ mangh’rons daus rabanaux.
-
Arfrain
-
Coupyé III
O y’a bin ine voulaille,
Thyi é point o meime tail.
Lé ghendarmes, lé policiers,
O faudrait, lé z’enfarmer.
Coume thieu, jh’ peuvrons beurvocher,
Sans pour de s’fare arrêter.
Si jh’sauvons point lé z’él’veurs,
Jh’sauvrons teurjhou lé viticulteurs.
-
Arfrain
-
Coupyé IV
Peur nous lé chérentés,
O nous rastent lé monjhettes,
Lé pieds d’goret pané,
L’ghigourit, lé pâtés.
Et pis quant o mouill’rat,
Dan lé palisses, on teurv’rat
De bin jholies cagouilles,
Que jh’sup’rons à pyeine goule.
-
Arfrain - 2 buffées peur l’ final
-